Ónýtt námslánakerfi

Það er svei mér eitt það erfiðasta í heimi að bóka sig í flug til Bandaríkjanna. Sérstaklega þegar maður á vegabréf sem rennur út í ár. Vissi nokkur að maður þarf að vera með vegabréf sem er í gildi í allavega sex mánuði til að komast til lands frelsisins? Þetta er meiri vitleysan, vitleysan segi ég. Það er líka vitleysa að ekki eitt fyrirtæki sá sig fært að styrkja námsferð fjölmiðlafræðinema til Bandaríkjanna. Nú græða bankarnir ekki lítið á námsmönnum. Ekki þakka þeir fyrir sig, það er nokkuð víst. Þeir geta samt þakkað Sjálfstæðisflokknum, sérstaklega Ólafi G. Einarssyni, fyrrum menntamálaráðherra, sem gerði þeim þann greiða að búa til ónýtt námslánakerfi sem gerir ekki ráð fyrir fyrirframgreiðslu. Í stað þess fá bankarnir viðskipti án þess að hafa nokkuð fyrir því. Námsmenn neyðast til að taka lán á einhverjum fimmtán prósenta vöxtum!!! Ég vona að eitt að fyrsta verkefni nýs menntamálaráðherra eftir kosningar, vonandi úr röðum Samfylkingar eða VG að breyta þessu. Nema að það sé búið að einkavæða Lánasjóðinn. Það væri svo sem dæmigert. Ef ekki lýsi ég eftir þessu málefni sem kosningamáli. Við erum að tala um að nemendur Háskóla Íslands einum eru níu þúsund, þrjú prósent þjóðarinnar. Ég veit ekki hversu mikið Háskólaráð getur gert í þessu máli.

Barcelona-Liverpool er á morgun. Ég get ekki annað en hlakkað til þó bæði þessi lið séu í svipuðu uppáhaldi. Þrátt fyrir það held ég að Liverpool vinni, allavega meðan Börsungar spila eins og fimmti flokkurinn í Reyni Árskógsströnd, með allri virðingu við það ágæta lið. En eins og skáldið sagði, stay tuned. I'm out!

Jafnrétti frá sjónarhóli karlmanns

Ég hef hug á því að verða fyrsti bloggari á Íslandi sem ekki fjallar í löngu máli um Klám og mannsals-ráðstefnuna á Hótel Sögu eða úrslit Söngvakeppni Sjónvarpsins. Hef bara eitt um fyrrnefnda málið að segja, Hótel Saga á að skammast sín og tilraun þeirra til firra sig frá allri ábyrgð er brandari. Hið síðarnefnda, besta lagið vann annað árið í röð. Glæsilegt.

Ég var nú í þessu að ganga út úr tíma í ¨Stjórnun, vinnuskipulagi og vinnumenningu¨. Þar var meðal annars fjallað um stöðu kynja á vinnumarkaðnum. Kennari minn vitnaði í rannsókn Ingólfs V. Gíslasonar á meðal karlmanna í hefðbundnum kvennastörfum. Út úr þeirra rannsókn kom víst út að víða í leikskólum landsins finna karlstarfsmenn fyrir því að þeir séu óvelkomnir í starfið og að þeir fái þau skilaboð að þeir séu ekki á réttum stað og á alveg kolvitlausum tíma. Þarna sé alla vega komin hluti skýringar á fáum leikskólastjórum á Íslandi en aðeins einn karlmaður er í þeirri stöðu miðað við frétt í Fréttablaðinu í morgun. Sjálfur hef ég fundið fyrir þessu á leikskóla einum í Austurbæ Reykjavíkur þar sem ég vann í örfáa mánuði áður en ég þurfti frá að hverfa vegna óviðráðanlegra orsaka í fjórar til sex vikur. Þá hugðist ég halda áfram í þessarri sömu vinnu. Á meðan ég vann þar fékk ég litla sem engar leiðbeiningar frá deildarstjóranum sem var heldur illa við mig miðað við fas hennar. Í eitt skipti heyrði ég leikskólastjórann sjálfann halda því fram að karlmenn séu bara þannig gerðir að þeir ráði verr við starf leiðbeinanda á leikskóla en konur. Þarna var hún að mínu viti að tala niður til þeirrar sérfræðikunnáttu að geta unnið með börnum á leikskóla. Er sú kunnátta bara meðfædd konum? Er leikskólakennaramenntun í KHÍ þá óþörf konum? Eiga þá bara konur að vinna á leikskólum? Hvernig bregðast karlmenn við þessum skilaboðum? Getur verið að þeir fari að trúa því sjálfir og hrökklist úr vinnu? Eftir að ég var orðinn starfshæfur á ný fékk ég þau skilaboð að starf væri laust á þessum leikskóla sem um ræður en ég fengi ekki vinnuna. Ég fékk skýringu á því hvers vegna ég fengi ekki vinnuna. Hún var sú að ég væri karlmaður og deildarstjórinn á þeirri deild sem ég hefði fengið vinnuna hjá vildi ekki fá karlmenn í vinnu til sín. Þetta var sko köld vatnstuska á andlitið, ekki bara mitt andlit heldur andlit jafnréttisbaráttu yfirleitt. Leikskólastjórinn benti mér á að þetta væri eigilega lögbrot og ég gæti kært en ég hafði mig nú ekki í það. Myndi gera það undir eins ef brotið væri svona á mér í dag. Nú er ég jafnréttissinni með öllu sem því inniheldur, þ.e. að vera feministi og vilja að konur hafi sama rétt á sömu vinnu og karlar. En til þess að öllu jafnrétti verði náð verða karlar að fá sama rétt og konur á sömu vinnu. Annars höldum við okkur á eilífum byrjunarreit sem er jú frekar neikvætt að mínu viti. Sögur eins og þessi eru örugglega algengari meðal kvenna en sögur eins og þessi hér hefur fyllilega rétt á sér skyldi maður halda.

Golfkylfur og Eistland

 

 

 

    Í karíókí-keppni Stúdentaleikhússins um daginn var ítrekið að allir og ég meina allir skyldu syngja í keppninni. Ekki kom fram hvað gert skyldi við þann sem ekki tæki þátt. Ég veit satt að segja ekki hvort Harpa, skemmtunarstjóri, fylgist mikið með heiðursmanninum Craig Bellamy en hún hefði getað tekið sér hann til fyrirmyndar. Haldið þið ekki að hann hafi lamið John Arne Riise með golfkylfu fyrir það að hafa verið beiler í karíókí-keppni Liverpool. Og haldið þið ekki að hann hafi valið það að lemja hann í fótinn. Ætli hann sé tilbúinn fyrir næsta leik? Ætli Riise eigi eftir að hefna sín? Hvaða lag ætli Bellemy hafi sungið? Hvaða lag söng Zenden og Gerrard sem er með þeim á myndinni. Hvaða lag skyldi Stan Collymore syngja ef að hann væri enn í Liverpool. Eru allir Norðmenn beilerar? Ætli Björn Tore Kvarme sé líka beilar? En Stig Inge Björnebye? Kannski er hægt að spurja Ragnhildi Steinunni. Þá getur hún spurt Hauk Inga, kallinn sinn. Hvar skyldi Robbie Fowler standa í þessum málum. Hann spilaði með Leeds. Birkir Már Sævarsson heldur með Leeds. Hann spilar líka með Val eins og Pálmi Rafn Pálmason. KR vildi fá hann. Teitur Þórðarson þjálfar KR. Hann þjálfaði Eistneska landsliðið í knattspyrnu. En nóg er nóg

 

Britney mín

Stutt innskot.

Britney mín Spears hefur ákveðið að taka sig til og krúnurakað sig. Stelpa sem var með henni í tattústofu vestur í LA spurði hana hvers vegna hún hafi nú verið að því. Britney sagðist ekki þola athyglina sem hún fær, sagðist ekki þola að allir vildu snerta hana og vera hluti af lífi hennar. Gott trikk. Nú fær hún örugglega enga athygli. Líkt og Elton John fékk enga athygli þegar hann braust út úr skápnum og Michael Jackson fékk enga athygli fyrir þessa snýtiklúta sína sem hann hafði yfir andlitið á sér í tíma og ótíma. Nú er spurning hvað Lindsey Lohan eða Paris Hilton gera til að losna við athyglina.

Evróvision og Kastljós

Jæja, alltaf einu sinni á ári bregður þjóðin sér í betri búninginn og fylgist með því hvaða lag verður framlag Íslands á Eurovision. Á mismunandi forsendum þó. Sumir horfa á þetta efni til að nöldra yfir því hvað lögin eru hræðilega vond eins og gæinn á Blaðinu sem hefur ekki skrifað grein án þess að vera að svekkja sig yfir gæði laga og lagatitla. Man ekki hvað hann heitir en hann er dæmi um atvinnunöldrara. Önnur mæt kona sem ber þennan titil er Kolbrún Bergþórsdóttir. En á meðan til eru nöldrarar í þjóðfélaginu er eins gott að þeir eigi sinn talsmann í fjölmiðlum. Lítið færri eru rugludallarnir í þjóðfélaginu en þeir eiga sér fleiri fulltrúa í fjölmiðlum eins og Huga Halldórsson og Andra Frey Viðarsson. Freysinn er þó mun skemmtilegri að mínu mati. Ef ekki væru atvinnurugludallar í fjölmiðlunum hver hefði þá átt að drekka sig blekaðann í Kastljósþætti. Ekki eins og Ómar Ragnarsson eða Laddi hefðu gert það. En aftur að þessarri blessuðu Eurovision-keppni þá ætla ég nú að hvetja fólk til að kjósa lagið sem Eiríkur Hauksson syngur. Það er hluti af átaki mínu sem ég kýs að nefna ¨Doktorinn til Finnlands¨. Sigurbjörn, stórvinur minn, spilar jú á bassa þar. Ef að þjóðin er þó söm við sig kjósa þeir yfir sig Jónsa eða Friðrik Ómar sem báðir eru eins og þeir séu á spítti dags daglega. Ef að þeir verða rifnir í lyfjapróf myndu þeir kolfalla og annað sætið fær sæti þeirra í keppninni. Þannig að í raun skiptir engu máli þó að Eiríkur lendi bara í þess vegna þriðja sæti. Þessir gæjar eru ekki nógu þunglyndir til að geta talist vera Íslendingar í febrúar. Ekki að undra að þeirra flestu gigg eru á sumrin á meðan Sigur rós fær að hljóma á veturna. Sú tónlist er meira að segja notuð af Kastljós-liðinu til að auka á þjáningar manns og vonleysi í garð mannkyns í kjölfar umfjöllunar um Breiðuvíkurmálið, ekki bara einu sinni heldur tvisar. Sumir mundu kalla það tilfinningaklám að spila Sigur rós undir grátandi lúser í samfélaginu lokuðum í fangelsi að lýsa því hvernig farið var með hann sem barn í barnafangabúðum. Ég fagna eigilega bara mótmæli fyrrum kennara míns Guðbjargar Hildar Kolbeins á umfjölluninni. Annað mál hvort ég sé endilega sammála henni. En enough is enough og ég kveð bara með þessum orðum.

Fyrirbyggjum næringaskort í heiminum...hjá flestum

Það hefur löngum verið þekkt að líkaminn gengur fyrir svokallaðri næringu. Næringu fær maður úr næringaríkum mat. Almennt telur fólk það gott samfélaginu að allir fái hæfilega mikla næringu, ekki of litla og ekki of mikla, til að get fúnkerað þokkalega í nútímasamfélagi. Aðeins einn hópur samfélagsins á hins vegar að lifa á ekki meira en einu jarðaberi og tveim salthnetum á dag, sem er by the way, þær veitingar sem ég fékk á fimmtugsafmæli Davíðs Oddssonar í Perlunni þegar ég var fjórtán ára. Sá hópur í samfélaginu sem ég tala um eru fyrirsætur. Fólk dáist að þessu fólki. Sjónvarpsstöðvar eru yfirfullar af þáttum þar sem keppst er eftir því að verða nógu helvíti kynþokkafullar og mjóar. Janice Dickenson og Tyra Banks keppast við að búa þær til, fá til sín ómótað deig, venjulegar táningastelpur og búa til eitthvað sem hentar þeim vel. Á meðan sitjum við og skemmtum okkur við að horfa á American Next Top Model og hinn þáttinn sem ég man ekki hvað heitir. 26,2 prósent, meira en fjórðungur stelpa á aldrinum 12 til 19 ára horfa á þetta samkvæmt mælingum Capacent fyrir nokkru. Næringaleysi þykir almennt vandamál nema þegar það birtist sem skemmtiefni í sjónvarpi. Á sama tíma sjokkurumst við yfir því að átján ára fyrirsæta frá Úrúgvæ hnígur niður ogdeyr út af næringaskorti. Þurfum við að vera svona tvöföld, þurfum við endilega að sjokkerast þegar Tyra Banks eða Anna Nicole Smith heitin bætir við sig nokkrum kílóum. Erum við ekki nett samsek, getum við horft framhjá svona dauðsföllum. Ég og þú getum yppt öxlum og sagt ¨Ekki mér að kenna¨. Samfélagið getur hins vegar ekki yppt öxlum og sagt ¨Ekki okkur að kenna¨.

Markaðsundrið Silvía Nótt Sæmundsdóttir.

Heil og sæl. Ég hef hugsað mér að flytja mig úr set og hefja svokallað moggablogg í stað þess að festast á blog.central.is. Flest blogg á blog.central.is eru annað hvort rituð af vinahópum sem auglýsa djömm eða matarboð á síðum sínum eða tólf ára gamlar dramadrottningar skrifandi svokallaðar ristað brauðs færslur. Að vísu er undantekningin sem sannar reglunnar reyndar stórvinur minn Birkir Már sem enn heldur sér á blog.central.is. En að öðru.

Mesta markaðsundur Íslandssögunnar er komið í ljós. Silvía Nótt sýnir með snilldarlegum hætti að í jafnlitlu samfélagi og viðgengst hér á landi er nóg að banka upp á hjá rétta liðinu og allir vita af því. Á örugglega eftir að ná gullplötusölu. Maður skoðar varla blogg hjá þokkalega þekktu fólki án þess að það bloggi um það að þessi drottning hafi bankað upp á hjá þeim og boðið þeim annað hvort nýja plötu sína eða barsmíðar frá lífvörðum hennar. Ekki nóg með það heldur haldið þið ekki að hún og önnur drottning, Unnur Birna, hafi ekki rölt fram hjá undirrituðum þar sem að hann sat í makindum sínum á Café Paris ásamt Doktor Sigurbirni. Engin kamera eða myndarvél þar á ferð heldur bara tvær vinkonur að hanga saman í bænum til að sýna sig og sjá aðrar. Ágústa Eva er horfin, Silvía Nótt gleypti hana. En þetta var þokkaleg fyrsta færsla á moggabloggi. Ætla ekki að hafa einkennissetningu eins og Steingrímur Sævar í blogginu hans. Bara....bless.