Loksins bloggar maðurinn

Jæja, ætli það sé ekki kominn tími til þess að maður tækli eina bloggfærslu. Það er langt síðan ég bloggaði síðast og margt hefur gerst síðan þá. Við erum að tala um próf og próflestur sem og kosningar. Eitt erfiðasta próf sem ég hef tekið kom í kjölfarið á kosningum og byrjun Landsbankadeildarinnar. Það þarf ekki að spurja að því að það gekk ekki vel í því....en það má svo sem kalla mannvonsku að hafa próf á slíkum tíma. En ég náði þó allavega.... reyndar aðeins með einkunnina 5,5. En það nægir, á eftir að taka ákvörðun um það hvort ég taki prófið aftur í haust. Tek að vísu próf í Afbrotafræði þar sem ég fékk líka 5,5.

Valur í öðru sæti í deildinni eftir þrjár umferðir. Þeir ná vonandi efsta sætinu í kvöld , allavega í einn dag þangað til að leik Fram og FH líkur á morgun. Þeir hafa jú eignast einn landsliðsmann enn. Jú þið heyrðuð rétt. Birkir, Bippó, Svampurinn eða hvernig sem fólk vill kalla hann var valinn í A- landsliðið. Þetta er stórkostlegur árangur hjá stráknum. Hraður frami hjá stráknum sem var mikið utan liðsins fyrir tveim árum en er án vafa hraðasti og besti bakvörður deildarinnar í dag. Vissulega er maður ekkert hlutlaus. Eeeen til hamingju Birkir Már.

Læt fylgja með mynd af kallinum í landsliðsbúningi U-21 árs landsliðsins. 

                                           

Athugasemdir

[Baula (IP-tala skráð) 2.6.2007 kl. 01:21]

innilega til lukku bippó!!!  

[Stebba (IP-tala skráð) 3.6.2007 kl. 20:25]

strákurinn...:) haltu okkur ferskum og stattu þig í blogginu.

kveðja að vestan, Stebba;)

[Stebba... aftur:) (IP-tala skráð) 3.6.2007 kl. 20:27]

svo máttu líka eeeendilega laga linkinn á settið;) ...engin pressa samt hehe:)